തിരുവനന്തപുരം: ശബരിമലയിലെ പോലീസ് നടപടികളെ രൂക്ഷമായി വിമർശിച്ച് പ്രതിപക്ഷനേതാവ് രമേശ് ചെന്നിത്തല. സന്നിധാനത്ത് തിങ്കളാഴ്ച പുലർച്ചെ നടന്നത് പോലീസ് അതിക്രമമാണ്. തീർഥാടകരെ അറസ്റ്റ് ചെയ്യുന്നതിൽ അപലപിക്കുന്നുവെന്നും അദ്ദേഹം പറഞ്ഞു.
സന്നിധാനത്ത് നിന്ന് അറസ്റ്റ് ചെയ്തവരെ മുഴുവൻ ഉടൻ തന്നെ ജാമ്യത്തിൽ വിടണം. മഴ നനയാതെ മാറിനിന്ന ഭക്തരെയാണ് പോലീസ് അറസ്റ്റ് ചെയ്തത്. ഭക്തരെ അടിച്ചമർത്താനാണ് സംസ്ഥാന സർക്കാരിൻെറ തീരുമാനമെങ്കിൽ അതിന് വലിയ വില കൊടുക്കേണ്ടി വരും. അറസ്റ്റുമായി ബന്ധപ്പെട്ട് സിറ്റിങ് ജഡ്ജിയെ വെച്ച് അന്വേഷണം നടത്തണമെന്നും ചെന്നിത്തല പറഞ്ഞു.