തിരുവനന്തപുരം∙ ബാർ കോഴ കേസിൽ മുൻ മന്ത്രി കെ.എം. മാണിയെ കുറ്റവിമുക്തനാക്കിയ വിജിലൻസിന്റെ റിപ്പോർട്ട് തിരുവനന്തപുരം വിജിലൻസ് കോടതി തള്ളി. മാണി കോഴ വാങ്ങിയതിനു തെളിവില്ലെന്നായിരുന്നു വിജിലൻസിന്റെ റിപ്പോർട്ട്. പുനരന്വേഷണത്തിന് വിജിലൻസ് സർക്കാരിൽനിന്ന് അനുവാദം വാങ്ങണമെന്നും കോടതി നിർദേശിച്ചു. സാഹചര്യത്തെളിവുകളും ശാസ്ത്രീയ തെളിവുകളും അനുകൂലമല്ലാത്തതിനാല്‍ കേസ് നിലനില്‍ക്കില്ലെന്നാണു വിജിലന്‍സ് റിപ്പോര്‍ട്ട്. പൂട്ടിയ ബാറുകള്‍ തുറക്കുന്നതിനു ധനമന്ത്രിയായിരുന്ന കെ.എം. മാണി ഒരു കോടി രൂപ കൈക്കൂലി വാങ്ങിയെന്നാണ് കേസ്. 2014 ഡിസംബർ പത്തിനാണു മാണിയെ പ്രതിയാക്കി ബാര്‍ കോഴക്കേസില്‍ എഫ്ഐആർ റജിസ്റ്റർ ചെയ്തത്. യുഡിഎഫ് കാലത്തുള്‍പ്പെടെ മൂന്നു അന്വേഷണ റിപ്പോര്‍ട്ടുകള്‍ വിജിലന്‍സ് കോടതിയില്‍ സമര്‍പ്പിച്ചു. കഴിഞ്ഞ യുഡിഎഫ് സര്‍ക്കാരിന്റെ കാലത്ത് ആരോപണം വലിയ രാഷ്ട്രീയ വിവാദമായി മാറ്റിയ എല്‍ഡിഎഫ് സര്‍ക്കാര്‍ അധികാരത്തിലെത്തിയശേഷം സമര്‍പ്പിച്ച രണ്ടു റിപ്പോര്‍ട്ടിലടക്കം മൂന്നിലും തെളിവില്ലെന്നായിരുന്നു വിജിലന്‍സ് നിലപാട്. മാണിയുടെ വസതിയില്‍ ബാര്‍ അസോസിയേഷന്‍ പ്രതിനിധികള്‍…

ന്യൂഡൽഹി ∙ സംസ്ഥാനത്ത് ആഭ്യന്തര വകുപ്പിന്റെ മാത്രം ചുമതലയുള്ള മന്ത്രി വേണമെന്നു സിപിഎം കേന്ദ്ര നേതൃത്വത്തിനു വിലയിരുത്തൽ. സംസ്ഥാനത്തു ദലിത് വിഭാഗങ്ങളിൽനിന്നുള്ളവർ‍ കൊല്ലപ്പെടുന്നതുൾ‍പ്പെടെയുള്ള അതിക്രമങ്ങൾ‍ പാർ‍ട്ടി ദേശീയതലത്തിലെടുക്കുന്ന രാഷ്ട്രീയ നിലപാടുകളെത്തന്നെ ബാധിക്കുന്നുവെന്നാണു കേന്ദ്രനേതൃത്വം വിലയിരുത്തുന്നത്. . കേരളം പോലൊരു സംസ്ഥാനത്തു ദുരഭിമാനക്കൊലയെന്നതു ഭീതിജനകമാണെന്നു പൊളിറ്റ്ബ്യൂറോ അംഗം വൃന്ദ കാരാട്ട് പറഞ്ഞു. കഴിഞ്ഞ വർഷം ജനുവരിയിൽ‍ തിരുവനന്തപുരത്തു നടന്ന കേന്ദ്ര കമ്മിറ്റിയിലും സംസ്ഥാന പൊലീസിന്റെ വീഴ്ചകൾ‍ വിമർ‍ശിക്കപ്പെട്ടിരുന്നു. ഉചിതമായ തിരുത്തലുകൾ വേണമെന്നു കേന്ദ്ര നേതൃത്വം അന്നു നിർദേശിച്ചതാണ്. തിരുത്തലുണ്ടാകുമെന്നു സംസ്ഥാന സെക്രട്ടറി ഉറപ്പും നൽകി. എന്നാൽ, വിമർശനത്തിനുള്ള കാരണങ്ങൾ ആവർത്തിക്കപ്പെടുകയാണെന്നും ആഭ്യന്തര വകുപ്പിൽ പൂർണശ്രദ്ധ കേന്ദ്രീകരിക്കാൻ‍ മന്ത്രി വേണമെന്ന വിലയിരുത്തൽ‍ ആ പശ്ചാത്തലത്തിലാണെന്നും പാർട്ടിവൃത്തങ്ങൾ‍ പറഞ്ഞു.